de Aquilino Cannas. (A mia moglie) Cantoris de Biddanoa de Santu Cristu e de Sant’Uanni estremaus e dignus cantoris de Cida Santa a campanas ammutaras bistius de penitenzia e gutturus inchietus apparaus e obertus arrubius de izzerrius contra a is traitoris cantoris de pena e de doloris avattu a su Crucifissu po is antigas arrugas de Biddanoa in mesu a su bonu antigu populu de Biddanoa a fentanas de cinixalis mantas amuradas e nenniri in is antigas domus de Biddanoa nenniri de scuriu marriu nenniri de affinu po is antigas cresias de is cantoris maistus ferreris e fusteris de primori maistus cantoris de is Misteris e de Resurrezioni candu a s’Incontru in totunu a su noeddu arrepiccu de is...
Sezioni - Poesia
de Efisio Collu. Funt’is tresi e nottesta non pozzu dromì’. E non esti curpa ‘e su bentu chi mi zumiat in is origas, né de s’aqua chi grugullat in crabettura, e nemancu sa speranza chi tui nottesta torrist’a bia. Si no dromu cun custu titifrius, sa curpa esti sceti sa mia. Oi, cust’arregordu chi mi prangit aintru custa boxi morta chi mi stancat su coru chi non s’accunortat cun toccus fridus; fridus che su bentu chi callat de is montis de Bingiargia. Funt’is tres’e quartu e nottesta non pozzu dromì’. Non pozzu dromì’, ca timu meda su sonnu. Non bollu chi ti nd’abarris attesu de sa luxi de is ogus. Debadas, t’hap’abettau ariseru o fior’’e gesminu; non mi fazzas crei, umbra de prantu, ca oi...
de Vittorio Falchi. Sos caddittos de sa Giara sun calchidende a sa luna reduida a filchinidos in sos buscos de sa notte da-e resorzas pattadesas. O luna, luna, pianghe lagrimas de fozas de suerzu subra sos iscameddos de su riu. Sos caddittos de sa Giara giughen sa conca de ferula, sos pizzinnos bi la tinghen in colore ‘e tiligherta. Sos isprones de pabilu dormin in mesu su giuncu sonniende nuraghes de fresa e aes de figumorisca. Andamos totu a sa Giara in caminos biaittos ue ‘olan mariposas cun alas de alluminiu. Fuen da-e sas feridas de sas roccas mattas de crabufigu cun sas fozas marteddadas da-e valangas de coriandulos. O luna, curre luna a caddu a crabas de lana ‘e crastu ca ti...