Sezioni - Editoriali

de Gavino Maieli. Est torrada! Est torrada! Poi de undigh’annos S’ISCHIGLIA est torrada pro cumprire cuss’impignu chi in su 1949, cun tiu Angheleddu Dettori, haiat leadu cun sos sardos e cun sa Sardigna. Un impignu chi in sa prima edizione s’est muntesu pro otto annos, finas a su 1957, e in sa segunda da-e su 1980 finas a su 2001, sempre cun tiu Angheleddu e poi cun Aquilinu Cannas e Antoninu Rubattu, cun su contributu importante de s’editore Gianni Trois. Chimbant’annos de istoria de Sardigna, chimbant’annos de versos chi han cantadu e contadu sa vida de sos fizos de-i custa terra. Pariat unu disizu, unu sonniu ebbìa cussu de la ‘ider torra regogliende sa ‘oghe de sos poetas de Sardigna...